Monday, February 28, 2011

आण घेतो आज रण्या

 

आहे माझ्या मराठीत आईचीच माया
तिच्या सेवेविना माझा जन्म जाई वाया

शब्दसुमनांची केली तिच्यासाठी माळ
कृपा ठेव माझ्यावरी, विनवितो बाळ

किती आली गेली युगे एकामागे एक
गाती तुझी थोरवी ते थोरही अनेक

इतिहास सरला तो काळ हा वेगळा
आता येथे शिकायाला इंग्रजीची शाळा

तरी आई तुझा पोर बदलला नाही
तुझा अभिमान माझ्या नसांतून वाही

आण घेतो आज रण्या कर्तव्याच्या पोटी
तुझे नाव आणीन मी आकाशाच्या ओठी

गतवैभवाला देऊ नवीन झळाळी
कोणी नाही म्हणणार “कोणे एके काळी”


....रसप....
२८ फेब्रुवारी २०११

No comments:

Post a comment

Please do write your name.
आपलं नाव नक्की लिहा!

Related Posts Plugin for WordPress, Blogger...