Tuesday, May 24, 2011

आठवे

आठवांचे धावुनी आले थवे
घेउनी गेले मला त्यांच्या सवे

आठवांच्या भोवताली वर्तुळे
स्वप्रकाशी उजळती हे काजवे

आठवांना लोचनांनी माळले
पापण्यांनी प्यायली का आसवे?

आठवांची पावले ना वाजली
हासले बागेमधूनी ताटवे..!

आठवांनी सोडल्या येथे खुणा
वेदना ही का मनाला गोठवे?

आठवांनो गीत माझे गाल का?
की सुरांना शब्द आता जोजवे?

आठवांचा मांडला बाजार मी
भावनांना तोलण्याला ताजवे...!


....रसप....
२४ मे २०११

No comments:

Post a comment

Please do write your name.
आपलं नाव नक्की लिहा!

Related Posts Plugin for WordPress, Blogger...