Monday, July 25, 2011

बस स्टॉप "सुटल्यापासून"..


चिंब भिजलेला बस स्टॉप   
वेगळाच दिसत होता  
काळवंडलेला पिंपळसुद्धा 
वेगळाच दिसत होता  

तोच पांचट चहा आज 
हवाहवासा वाटला
कॉँक्रिटचा ओला वास 
हवाहवासा वाटला

बस स्टॉप वर कुणीच नव्हतं,
मी तेव्हढा सोडून
काहीच कोरडं राहिलं नव्हतं,
मी तेव्हढा सोडून

ओल्या पावसासोबत आल्या 
जुन्या आठवांच्या सरी
वाऱ्यासोबत बोचू  लागल्या 
जुन्या आठवांच्या सरी

काळाबरोबर माणसं तुटतात 
पण - Life Goes on…
ओलं-सुकं नशीब असतं 
पण - Life Goes on…


उगाच काही विचारांनी मनात गर्दी केली
चहा-सिगारेट झाल्यावर मी माझी वाट धरली
फारच विचित्र वाटतंय मला,
बस स्टॉप "सुटल्यापासून"
हरवून बसलोय स्वत:लाच 
बस स्टॉप "सुटल्यापासून"


….रसप….
२३ जुलै ११
बस स्टॉप वरच्या कविता

No comments:

Post a comment

Please do write your name.
आपलं नाव नक्की लिहा!

Related Posts Plugin for WordPress, Blogger...