Sunday, January 06, 2013

पाणी..


चालताना पाउले भिजवायचे पाणी
तू किनारा सोडता खवळायचे पाणी

फाटले काळीज पण ना वाहतो अश्रू
पापणीवर नेहमी साठायचे पाणी

खेळ माझा अन तुझा झाला जुना, दैवा
मी लिहावे स्वप्न, तू फिरवायचे पाणी

खुर्द आणिक बुद्रुकाच्या आखल्या सीमा
पण नदीला कोठुनी आणायचे पाणी

घाव सारे झेल छातीवर तुझ्या 'जीतू'
वार तू करता न ते मागायचे पाणी !

....रसप....
५ जानेवारी २०१३

No comments:

Post a comment

Please do write your name.
आपलं नाव नक्की लिहा!

Related Posts Plugin for WordPress, Blogger...