Monday, February 04, 2013

हातावरील रेषा जावे बघून मागे..


हातावरील रेषा जावे बघून मागे
वेचून राहिलेले यावे फिरून मागे

अर्धा तुझा भरावा पेला म्हणून आलो
पाहून धुंद तुजला फिरलो तिथून मागे

दु:खांस अडविण्याला मी लावली कवाडे
फिरली सुखेच सारी दारावरून मागे

आता तुला न माझी येईल आठवणही
मीही कशास आता पाहू वळून मागे ?

माझी मलाच 'जीतू' सोबत न राहिली रे !
माझीच सावली बघ.. हसते बघून मागे

....रसप....
३ फेब्रुवारी २०१३

No comments:

Post a comment

Please do write your name.
आपलं नाव नक्की लिहा!

Related Posts Plugin for WordPress, Blogger...