Monday, April 22, 2013

आरोह अवरोह तुझ्या श्वासांचे


तू मुग्ध मदमस्त कळी स्पर्शोत्सुक
मी धुंद बेफाम भ्रमर प्रणयोत्सुक
प्राशून मकरंद मधुर लपलेला
मी रोज असतोच पुन्हा मिलनोत्सुक

स्पर्शून रेशीम शहारा यावा
हृदयातला ताल दुहेरी व्हावा
मग भान कुठलेच नसावे दोघां
अन् खेळ जोमात खुला खेळावा

आरोह अवरोह तुझ्या श्वासांचे
ओठांत अव्यक्त बहर शब्दांचे
ऐकायचे राग मला अनवट ते
देतात जे भास नव्या स्वर्गांचे

चाखून सौंदर्य तुझे अमृतसम
बहरून गंधात तुझ्या अद्भुततम
मी स्वर्ग भोगून असे इहलोकी
मी एक आहे इथला पुरुषोत्तम

....रसप....
२१ एप्रिल २०१३

No comments:

Post a comment

Please do write your name.
आपलं नाव नक्की लिहा!

Related Posts Plugin for WordPress, Blogger...